Saturday, June 4, 2016

බ්ලොගර් කෙනෙකුගේ දොලදුක (හෝ විලාපය) ...

මා මෙම බ්ලොග් එක පටන් ගෙන දැනට වසර ගණනාවක් වුවත්, එහි නිතිපතා බ්ලොග් පෝස්ට් පළ කරමින් සක්‍රිය වන්නට පටන් ගත්තේ ගිය අවුරුද්දේ සිටයි. මේ වෙන විට ඉතා දිගු ලිපි 200කට අධික ප්‍රමාණයක් මා මෙහි පළ කර ඇත. ඒ අතරින් සාතිශය බහුතරය මාගේ පොත්වල අන්තර්ගතයන්මයි. තවද, ඒ සියලු ලිපි මා pdf ෆෝමැට් එකෙන්ද ඊ-බුක් වශයෙන් ඉදිරිපත් කර ඇත. මේ සියලු වැඩකටයුතුවලට මා විශාල වෙහෙසක් මෙන්ම කාලයක්ද වැය කර ඇත. කොතරම් අපහසුතා ආවද ඉදිරියටද මා සිතාගෙන සිටින සියල්ලම නිමවෙන තෙක් මෙම බ්ලොග් එක දිගටම කරගෙන යනවා.

එහෙත් මා පසුගිය දවස්වල මාගේ බ්ලොග් එකේ හැසිරීම ගැන විශ්ලේෂණයක් සිදු කළා (ගූගල් වෙබ්මාස්ටර් ටූල්ස් හා ගූගල් ඇනලිටික්ස් සහයෙන්). එහිදී මට දකින්නට ලැබුණේ සාමාන්‍යයෙන් බ්ලොගර් කෙනෙකු විසින් නොකළ යුතු දේවල් මා කර ඇති බවයි. ඉන් එකක් නම් බ්ලොග් පෝස්ට් ගණනාවකට පසු එය ඊපොතක් වශයෙන් pdf ෆයිල් එකක් සාදා ඩවුන්ලෝඩ් කර ගැනීමට සැලැස්සීම නිසා විසිටර් කෙනෙකු විසින් බ්ලොග් පිටුවල රැඳී සිටින කාලය ඉතා අඩුය (මොකද අවසාන pdf ෆයිල් එක ඩවුන්ලෝඩ් කරගන්නට සිටින නිසා). එනිසාම, ලිපිවල අන්තර්ගතය පිළිබඳ වැඩිපුර සාකච්ඡාවක් (කමෙන්ට් කිරීම්) පවා සිදු නොවේ. එක් අතකින් අධ්‍යාපනික හා ශාස්ත්‍රිය දේවල් ගැන සාධනීය සාකච්ඡා සිදු නොකිරීම සිංහලයන්ගේ එක්තරා පුරුද්දකි (ලෝකයේ වෙනත් ජාතින් වෙබ්පිටුවල කරන සාකච්ඡාවල ප්‍රමාණය බැලුවහම අප ගැන ලැජ්ජා හිතෙන තරම්ය). එනිසා, මා මෙතැන් සිට පළ කරන පාඩම් මාලා කිසිවක් pdf ෆෝමැට් එකෙන් ඉදිරි පත් කරන්නේ නැත.

අධ්‍යාපන හා විද්‍යා සන්නිවේදකයෙක් ලෙස කටයුතු කරන අරමුණින් මා මෙම බ්ලොග් එකේ ලිව්වත්, දැන් මට සිතෙන්නේ ඊට අමතරව බ්ලොගර් කෙනෙකුගේ මානසිකත්වයද මා තුල කිඳා බැස ඇති බවයි. එනිසා බ්ලොගර් කෙනෙකුගේ යම් යම් "ආශාවන්" ප්‍රමාණයක් මටත් දැනේ. වැඩිපුර විසිටර්ස්ලා පැමිණීම, ඔවුන් වැඩිපුර කාලයක් බ්ලොග් පිටුවල රැඳීම ආදී දේවල් ඒ අතර වේ. සිංහලෙන් මහ ශබ්දෙට ලොකු ලොකු කියමන් සහිත්ව ඇරඹි බොහෝ බ්ලොග් අඩවි මුල් අවස්ථාවේදීම (පෝස්ට් කිහිපයකට පසුව) අතරමඟ නතර වීමට හේතුද බොහෝවිට ඉහත ආශාවන් සංතෘප්ත නොවීමයි. (එහෙත් එකදු කෙනෙකු නොආවත් මා නම් සිතා සිටින සියලු දේවල් මා බ්ලොග් එකේ කරගෙන යනවා). එසේ වුවත්, පෙර කියූ දේවල් ලබා ගැනීමටත් කටයුතු කිරීම වරදක් නොවේ යැයි සිතෙනවා.

එහි එක් පියවරක් ලෙස, ඊබුක් (pdf files) අලුතින් ඉදිරිපත් නොකරනු ඇත. පෞද්ගලික මට්ටමින් හෝ pdf ෆයිල් මාගෙන් ඉල්ලා නොසිටින මෙන් කාරුණිකව ඉල්ලා සිටිනවා. දැනට පළ කළ ඊබුක් එලෙසම ඉදිරියටත් පවතීවි. :)

8 comments:

  1. //එනිසා බ්ලොගර් කෙනෙකුගේ යම් යම් "ආශාවන්" ප්‍රමාණයක් මටත් දැනේ. වැඩිපුර විසිටර්ස්ලා පැමිණීම, ඔවුන් වැඩිපුර කාලයක් බ්ලොග් පිටුවල රැඳීම ආදී දේවල් ඒ අතර වේ//

    අනිත් අයත් ඔයාව එහෙම වෙන තැන්වල දකින්න ආසයි

    ReplyDelete
    Replies
    1. ඔව්... බ්ලොග් (හා වෙනත්) ලියන අය ඉන්නවා. ඒවා කියවන අයත් ඉන්නවා. ඉතිං, ලියන කෙනෙකු වශයෙන් මා කැමතියි මා ලියන දේවල් වැඩිපුර දෙනෙක් කියවනවා නම්. :)

      Delete
    2. ඇත්තටම මට ගැටලුවක් වූයේ මා ඉතා දිගු ලිපි ලිව්වත් (සාමාන්‍යයෙන් එවැනි ලිපියක් කියවන්නට පැය භාගයකට වැඩිය ගත වේ යැයි මා සිතනවා), එම පිටුවල රැඳී සිටින කාලය (ඇවරේජ් එක) විනාඩි කිහිපයකි. ඊට ලොකුම හේතුව pdf ෆයිල් පළ කිරීමයි. එහිම ප්‍රතිපලයක් ලෙස, බොහෝ දෙනෙකුට ඇති වන ප්‍රශ්න අසන්නේ පෞද්ගලික මට්ටමෙන්. එහෙත් ඒවා කාටත් පේන්න (අඩුම ගානේ anonymous විදියට හරි) කමෙන්ට් විදියට ලියනවා නම්, තව දන්න අයට ඊට පිළිතුරු සපයන්නත් පහසුයි (මොකද මා පමණක් නොවෙයි මේ විෂයන් ගැන දන්නේ; සමහරවිට මටත් ඒගොල්ලන්ගෙන් ඉගෙන ගැනීමට බොහෝ දේවල් තිබේවි). ඉංග්‍රිසි වෙබ් අඩවිවල මෙය බහුලව සිදු වෙනවා. මා කියන්නේ නැහැ හැම විසිටර්ම මොනා මොනා හරි ලියන්න ඕන කියල... එහෙත් විෂය ගැන උනන්දු හා ගැටලු තිබෙන අයට එසේ කළ හැකියි (මගේ බ්ලොග් එකේ පමණක් නොව; වෙනත් ඕනෑම තැනක වුවද එය කළ යුතුයි).

      Delete
  2. Apoi mama poth kiyawala iwarai ehenam ada idan..

    ReplyDelete
  3. Mama wadakaranne ship ekaka eke internet card eke 25mb thiyenne 8doller wenawa card eka godak wela internet giyoth card eka iwara wenawa..nadda mokawath wisadumak mekata..

    ReplyDelete
    Replies
    1. :( man hithanne online pdf converters thiyenawa. padamwala link eka enter kalama pdf files hadala denawa ewayen. (sorry for late reply. mage lap eka kaduna nisa pahu giya sathi dekema internet awe na).

      Delete
  4. ඇත්ත තමා, ඔයාගේ බ්ලොග් එක හරිම අහම්බෙන් හම්බුනේ වෙන දෙයක් හොයනකොට google එකේ, මට හිතෙන්නේ මේක ගැන දන්න අය අඩුයි

    ReplyDelete
    Replies
    1. ඔව්... මාගේ බ්ලොග් එක ගැන දන්න අය එතරම් නැතිව ඇති කියා මටත් සිතෙනවා.

      Delete